Heime Hjå med Sidsel Walstad og Marcus Lewin

Gull og groove!

Sidsel Walstad – harpe | Marcus Lewin – trommer

Frå klassiske harpeperler til elektriske riff, heftige rytmar og musikalske overraskingar!

Sidsel Walstad, soloharpist i Kringkastingsorkesteret, og den internasjonalt røynde trommeslagaren Marcus Lewin, mellom anna kjend frå The Brazz Brothers, inviterer til ein konsert der musikalske sjangrar møtest på uventa måtar.

Med gullharpe, elektrisk harpe og trommer leikar duoen seg mellom klassisk musikk, jazz, rock og musikk skriven spesielt for dei. Her får harpa vise både si vakraste og mest rytmiske side – og det er slett ikkje alltid trommene som står for grooven!

Sidsel og Marcus er eit par både på og utanfor scena, og byr på ein nær og uhøgtideleg konsert med historier, humor, speleglede og nokre overraskingar undervegs.

Ein konsert med både eleganse, energi og glimt i auget!